Apirilaren 9an eta 10ean Itzulia Basque Country txirrindularitza lasterketa Beasaingo kaleetatik igaroko da.
Hori dela eta, honako eragina izango du ibilgailuen trafikoan:
Apirilaren 9an
Egun horretan etapa amaiera Beasainen izango da, Nafarroa etorbidean hain zuzen ere. Ondorioz, 15:15etik 18:00etara, gutxi gorabehera, Beasaingo hiriguneko kale batzuk itxita egongo dira.
Apirilaren 10ean
Bigarren egun honetan, etaparen hasiera Beasainen izango da, eta, beraz, hiriguneko kaleak 12:15 eta 13:30 artean ibilgailuentzako itxita egongo dira.
Azaldutako guztiagatik, egun horietan, adierazitako ordutegian, ezin izango da eskoletara ibilgailuz sartu. Saltokietako hornitzaileei jakinarazi behar zaie ezin izango dutela salgaien banaketa egin establezimenduetan. Era berean, bezeroak ezingo dira hirigunera ibilgailuz iritsi. Lasterketa igarotzen den kaleetako zirkulazioa ibilgailuentzat moztuta egongo dela.
Gainera, ekitaldiaren tamainagatik, aparkaleku batzuk, parte hartzen duten taldeen ibilgailuak, antolatzaileen ibilgailuak, telebista, lotura-motoak... uzteko erabiliko dira. Debekatuta egongo da apirilaren 8ko goizeko 10:00etatik aurrera Bernedoko aparkalekuan, Gernika pasealekuko aparkalekuan (pergolak) eta Erauskin plazan aparkatzea.